Í sýningunni taka þátt u.þ.b. 20-30 sjálfboðaliðar úr hópi áhorfenda sem verða dáleiddir upp á sviði. Sjálfboðaliðarnir munu tímabundið trúa hverju því sem dáleiðarinn telur þeim trú um, t.d. að þeim sé rosalega kalt eða heitt, að þeir muni ekki lengur hvað þeir heita, að þeir séu ástfangnir af kústi eða að belti sé snákur. Þeir munu trúa því að þeir séu frægur óperusöngvari og syngja óperusöng eða að keppa í heimsfrægri danskeppni og þeirra atriði er lokaatriðið. Þeir munu skýrlega sjá og upplifa hluti sem eru ekki til heldur ýmindun ein. 

Um stórkostlega skemmtun er að ræða þar sem brugðið er á leik - en á sama tíma er alvarlegri undirtónn þar sem bæði sjálfboðaliðar og áhorfendum er boðið í ferðalag þar sem neikvætt sjálfsniðurrif og sjálfsfordæming eru kvödd fyrir fullt og allt og í staðinn kemur friður í hjartað, sátt við sjálfið, sjálfsmildi og heilbrigð sjálfsást. 

Sýning þessi er fullkomið tækifæri fyrir áhorfendur sem vilja frábæra skemmtun og hlátur en um leið fá eitthvað sem skilur eftir sig varanlega og heilbrigða innri breytingu en Sara hefur um árabil verið einn fremsti meðferðardáleiðari Íslands og því þrautreynd á því sviði.