Til frelsis frelsaði Kristur okkur.
Þegar Jesús dó á krossi tók hann á sig allar syndir mannkyns og fyrirgaf. Þeir sem trúa í hjartanu að Jesús sé Guð og játa það með munni sínum fá nýjan anda fæddan af Guði og öðlast þar með eilíft líf og inngöngu í Guðs ríkið.
Vikulegir biblíufundir á netinu eru haldnir í gegn um fjarfundarbúnaðinn zoom.us og einnig LIVE í facebook grúppunni okkar.
Í lok hvers fundar er leidd hugleiðslubæn. Fundirnir og allar upplýsingar eru aðgengilegar hér:
Allir velkomnir.
Einar Gautur Steingrímsson og Björn Ingi Stefánsson eru báðir gamalkunnir og reynsluríkir kennarar og predikarar í Guðsríkinu. Í þessu 10 þátta námskeiði kenna þeir undirstöðu og grundvallaratriði kristinnar trúar. Námskeiðið er hér með boðið frítt fyrir þig og alla sem hafa áhuga undir nafni Frelsiskirkjunnar.
Grunnámskeið um Kristna trú
Þegar Jesús Kristur dó á krossi tók hann á sig alla sjúkdóma og veikindi. Við sem höfum endurfæðst eigum rétt á að vera heilbrigð í Guðs ríkinu. Jesús er læknirinn okkar og er kraftaverkaguð.
Sara Pálsdóttir trúarlæknir hefur margra ára reynslu af því að hjálpa fólki að öðlast frelsi frá krónískum neikvæðum einkennum. Hvort sem það er kvíði, þunglyndi, krónískir verkir, síþreyta, örmögnun, kulnun, brotin sjálfsmynd eða önnur einkenni, þá getur þú fengið frelsi frá þessu með Guðshjálp og Sara mun aðstoða þig.
Unnt er að senda fyrirspurnir eða panta tíma með því að senda póst á sara@lausnir.is.
Athuga að þú þarft ekki að vera þegar frelsaður eða frelsuð til að bóka þessa þjónustu en þó að hafa opinn hug gagnvart því. Þjónustan er ókeypis.
Ert þú ný eða nýr í trúnni? Við bjóðum upp á Jesúsponsor sem hittir þig ca. vikulega, les með þér í Biblíunni og biður með þér. Þá er spurningum þínum um trúnna og Jesús svarað eftir bestu getu.
Hægt er að óska eftir Jesúsponsor með því að senda póst á sara@lausnir.is.
Vefþættir og hugleiðslubænir eru aðgengileg á spotify og youtube
